Transcription
1
Monsieur, de bon mattin, ie vous ay des pesché Catterine. Maintenant
2
ie vous anvoie d’avoine et du paing pour les mulletz et
3
du lard. Vous commenderés que le tout soit dispancé. J’ay
4
faict baller à Calmette de bled. Vous commanderés que l’on
5
prenne le paing à la livre, aussy que Ieham alle iusques à
6
Jarrie et fère aporter de bled. Cattelaing le pourra aporter
7
avecques son chart et s’il ni a assés pour le charger, yllia
8
de bois couppé qu’il pourra fère la charge. S’il vous plait
9
me renvoirés Lainnette, laquelle pourra raporter de
10
cel II esminnes, les quelles pourrés fère prandre cheux
11
ceus qui en fournissent qui est les iubers poulle et l’on
12
la leur contera sursse que yl vous est deu se que il a
13
veux, c’est pour ssaller les poursseaux qu’il faut
14
tuer yssy. Je vous suplie qu’il n’i aye nulle faulte.
15
Au reste, iescris à Hennemond pour faire tendre vostre
16
chambre à la quelle, quant elle cera acouttrée pour-
17
rés y manger. Demain, Dieu aydant, je vous envoy-
18
ray deus flascons de vin et de mes nouvelles, sepandant,
19
je vous baise très humblement les mains et
20
suplie le Créateur qu’il vous doint
21
monsieur, en par faictte santé, longue et hereuse
22
vie. De vostre Laval, XXVe octoubre 1572
23
Vostre très humble
24
Laval